لاڑکانہ / تھرپارکر: تھرپارکر کی ایک غریب بستی سے تعلق رکھنے والی نور بانو نے اپنی محنت اور حوصلے کی بدولت پاکستان ایڈمنسٹریٹو سروس (CSS 2025) میں نمایاں کامیابی حاصل کرتے ہوئے سندھ کے ڈویژنل کمشنر کے عہدے تک رسائی حاصل کر لی ہے۔
نور بانو کا تعلق ایک انتہائی غریب گھرانے سے ہے، جہاں والد اونٹ چراتے اور والدہ گھروں میں کام کرتی تھیں۔ بچپن میں وہ ننگے پاؤں ریت پر چل کر اسکول جاتی تھیں اور وسائل کی شدید کمی کے باوجود تعلیم کا سلسلہ جاری رکھا۔ ذرائع کے مطابق نور بانو نے میٹرک اور انٹرمیڈیٹ میں شاندار پوزیشنز حاصل کیں اور جامعہ کراچی میں داخلہ لیا، جہاں مالی مشکلات کے باعث انہوں نے ٹیوشن پڑھا کر تعلیم جاری رکھی۔ بعد ازاں انہوں نے CSS امتحان کی تیاری انتہائی مشکل حالات میں کی اور دو بار ناکامی کے باوجود ہمت نہیں ہاری۔
تیسری کوشش میں انہوں نے پورے پاکستان میں 7ویں پوزیشن حاصل کی اور PAS گروپ میں شامل ہو کر اپنی منزل پا لی۔ کمشنر بننے کے بعد نور بانو نے اپنے پہلے حکم میں تھرپارکر کے اسکولوں میں بنیادی سہولیات، پنکھوں اور پانی کی فراہمی کو یقینی بنانے کی ہدایت جاری کی۔ ان کا کہنا تھا کہ “کوئی بچی ننگے پاؤں اسکول نہیں آئے گی۔”
نور بانو کی کامیابی کو سوشل میڈیا اور تعلیمی حلقوں میں ایک حوصلہ افزا مثال کے طور پر دیکھا جا رہا ہے، جو یہ ثابت کرتی ہے کہ حالات چاہے جیسے بھی ہوں، عزم اور محنت سے منزل حاصل کی جا سکتی ہے۔
Add Comment