عرب میڈیا رپورٹس کے مطابق امریکہ اور ایران کے درمیان جاری سفارتی مذاکرات کا اگلا دور 11 جولائی کو پاکستان کے دارالحکومت اسلام آباد میں منعقد ہونے کا امکان ہے۔ ذرائع کا کہنا ہے کہ دونوں ممالک کے درمیان یہ مذاکرات خطے میں کشیدگی کم کرنے اور مختلف اہم امور پر بات چیت کو آگے بڑھانے کے مقصد سے کیے جا رہے ہیں۔ اگر یہ مذاکرات طے پاتے ہیں تو اسلام آباد ایک اہم سفارتی مرکز کے طور پر سامنے آئے گا۔
اطلاعات کے مطابق مجوزہ مذاکرات میں دونوں ممالک کے نمائندے باہمی تعلقات، علاقائی سلامتی اور دیگر اہم معاملات پر تبادلہ خیال کر سکتے ہیں۔ تاہم، تاحال امریکہ، ایران یا پاکستانی حکام کی جانب سے مذاکرات کی تاریخ اور مقام کے حوالے سے باضابطہ تصدیق سامنے نہیں آئی۔ سفارتی حلقے اس پیش رفت کو خطے میں استحکام اور مذاکراتی عمل کی بحالی کے لیے اہم قرار دے رہے ہیں۔
Add Comment