ایرانی مسلح افواج کے ترجمان نے کہا ہے کہ ایران کی دفاعی صلاحیتیں اور عسکری طاقت دنیا کے سامنے موجود صلاحیتوں سے کہیں زیادہ ہیں۔ ان کا کہنا تھا کہ اگر امریکہ نے اپنی جارحیت کا سلسلہ نہ روکا تو جنگ کا دائرہ پورے خطے تک پھیل سکتا ہے، جس کے نتائج کی ذمہ داری امریکہ پر عائد ہوگی۔
ترجمان نے مزید کہا کہ ایران اپنی قومی سلامتی اور خودمختاری کے دفاع کے لیے ہر ممکن اقدام کرے گا اور حالات کے مطابق مناسب جواب دیا جائے گا۔ انہوں نے واضح کیا کہ ایران کسی بھی ممکنہ خطرے سے نمٹنے کے لیے مکمل طور پر تیار ہے اور ملک کی مسلح افواج ہر صورتحال کا مؤثر جواب دینے کی صلاحیت رکھتی ہیں۔
Add Comment