منیلا ایئرپورٹ پر سعودی اور فلپائن ایئرلائنز کے طیارے ٹکرا گے

فلپائن کے دارالحکومت منیلا کے بین الاقوامی ہوائی اڈے پر سعودی ایئرلائنز اور فلپائن ایئرلائنز کے دو طیارے گراؤنڈ آپریشن کے دوران معمولی تصادم کا شکار ہوگئے۔ ابتدائی اطلاعات کے مطابق دونوں طیاروں کو جزوی نقصان پہنچا، تاہم واقعے میں کسی مسافر یا عملے کے زخمی ہونے کی اطلاع نہیں ملی۔ ایئرپورٹ انتظامیہ نے فوری کارروائی کرتے ہوئے متاثرہ طیاروں کو آپریشنل علاقے سے ہٹا دیا اور صورتحال کو قابو میں لے لیا۔

واقعے کے بعد سعودی ایئرلائنز کی جدہ جانے والی پرواز احتیاطی تدابیر کے تحت منسوخ کر دی گئی، جبکہ تمام مسافروں کو محفوظ مقام پر منتقل کر دیا گیا۔ متعلقہ حکام نے حادثے کی وجوہات جاننے کے لیے تحقیقات کا آغاز کر دیا ہے، جبکہ ایئرلائنز کی جانب سے متاثرہ مسافروں کے لیے متبادل سفری انتظامات کیے جا رہے ہیں۔