مکہ مکرمہ میں تقریباً ایک ہزار سال قدیم قرآنِ پاک کے ایک نادر تاریخی نسخے کی خصوصی نمائش کا اہتمام کیا گیا ہے، جس نے زائرین اور اسلامی ورثے سے دلچسپی رکھنے والوں کی بھرپور توجہ حاصل کر لی ہے۔ سعودی عرب کے حرمین شریفین کے دینی امور کے ادارے کے زیرِ اہتمام منعقدہ نمائش **”اقرأ”** میں اس قیمتی اور نایاب نسخے کو عوام کے سامنے پیش کیا گیا۔
نمائش میں پیش کیے گئے اس تاریخی قرآنِ پاک کے بارے میں بتایا گیا ہے کہ اس کی عمر تقریباً ایک ہزار سال ہے۔ یہ نادر نسخہ اپنے قدیم عربی رسم الخط، منفرد خطاطی، خوبصورت تزئین و آرائش اور تاریخی اہمیت کے باعث اسلامی تہذیب و ثقافت کا ایک قیمتی ورثہ تصور کیا جاتا ہے۔ نمائش کا مقصد اسلامی مخطوطات اور نادر دینی نوادرات کو محفوظ رکھنے کے ساتھ ساتھ زائرین کو اسلامی تاریخ سے روشناس کرانا بھی ہے۔
Add Comment