تل ابیب: اسرائیل کاٹز نے حزب اللہ کی قیادت کے خلاف سخت بیان دیتے ہوئے ایک بار پھر دھمکی دی ہے کہ تنظیم کے سربراہ کو نشانہ بنایا جا سکتا ہے۔
میڈیا رپورٹس کے مطابق انہوں نے تل ابیب میں ایک تقریب سے خطاب کرتے ہوئے کہا کہ نعیم قاسم کو “اپنے سر کی قیمت چکانا ہوگی”۔ یہ بیان ایسے وقت میں سامنے آیا ہے جب اسرائیل اور لبنان کے درمیان نئے مذاکرات متوقع ہیں، جو واشنگٹن میں ہونے جا رہے ہیں۔
تجزیہ کاروں کے مطابق اس نوعیت کے بیانات خطے میں پہلے سے موجود کشیدگی کو مزید بڑھا سکتے ہیں، جبکہ ممکنہ مذاکراتی عمل پر بھی اثرانداز ہونے کا خدشہ ظاہر کیا جا رہا ہے۔
ابھی تک حزب اللہ کی جانب سے اس بیان پر کوئی باضابطہ ردعمل سامنے نہیں آیا۔
Add Comment