مشرقِ وسطیٰ کشیدگی سے فضائی آپریشن متاثر

ایران اور امریکہ کے درمیان بڑھتی ہوئی کشیدگی اور آبنائے ہرمز کے اطراف پیدا ہونے والی صورتحال کے باعث مشرقِ وسطیٰ میں فضائی آپریشن متاثر ہوئے ہیں۔ سعودی میڈیا کے مطابق بعض فضائی کمپنیوں نے احتیاطی تدابیر کے تحت سعودی عرب کے مختلف ہوائی اڈوں سے آنے اور جانے والی متعدد پروازیں منسوخ یا مؤخر کر دی ہیں، جبکہ کئی پروازوں کے شیڈول میں بھی تبدیلی کی گئی ہے۔

ایوی ایشن حکام کے مطابق یہ اقدامات مسافروں کی حفاظت اور فضائی حدود کی صورتحال کو مدنظر رکھتے ہوئے کیے گئے ہیں۔ مسافروں کو ہدایت کی گئی ہے کہ وہ سفر سے قبل اپنی متعلقہ ایئرلائن سے پرواز کی تازہ ترین معلومات ضرور حاصل کریں۔ ماہرین کا کہنا ہے کہ اگر خطے میں کشیدگی برقرار رہی تو فضائی آپریشن اور بین الاقوامی سفر مزید متاثر ہو سکتے ہیں۔