اداکار احسن خان کے والد انتقال کر گئے

پاکستان شوبز انڈسٹری کے معروف اداکار اور میزبان احسن خان کے والد انتقال کر گئے۔ اداکار نے اپنے آفیشل انسٹاگرام اکاؤنٹ پر والد کی تصویر شیئر کرتے ہوئے ان کے انتقال کی تصدیق کی اور ایک جذباتی پیغام میں کہا کہ والد ایک نہایت شفیق، باوقار اور بہترین انسان تھے، جن کی شخصیت نے ان کی زندگی پر گہرے اثرات چھوڑے۔ احسن خان نے اپنے مداحوں، دوستوں اور خیر خواہوں سے اپنے مرحوم والد کے لیے دعائے مغفرت کی اپیل بھی کی۔

احسن خان کی اس افسوسناک خبر کے بعد شوبز شخصیات، مداحوں اور سوشل میڈیا صارفین کی بڑی تعداد نے ان سے تعزیت کا اظہار کیا اور مرحوم کے درجات کی بلندی کے لیے دعائیں کیں۔ متعدد فنکاروں نے اپنے پیغامات میں احسن خان اور ان کے اہل خانہ کے ساتھ ہمدردی کا اظہار کرتے ہوئے اس دکھ کی گھڑی میں صبر جمیل کی دعا کی۔