چین کا سعودی عرب کی سلامتی کی حمایت کا اعادہ

چین کی وزارتِ خارجہ نے سعودی عرب کی خودمختاری، سلامتی اور علاقائی استحکام کے لیے اس کے اقدامات کی حمایت کا اعادہ کرتے ہوئے کہا ہے کہ بیجنگ سعودی عرب کے جائز مفادات اور خودمختاری کے تحفظ کی حمایت جاری رکھے گا۔ چینی حکام کے مطابق مشرقِ وسطیٰ میں امن و استحکام کے قیام کے لیے سعودی عرب کا کردار اہم ہے۔

چینی وزارتِ خارجہ کے بیان میں کہا گیا کہ سعودی عرب کی سلامتی اور علاقائی استحکام سے متعلق اقدامات قابلِ احترام ہیں، جبکہ دونوں ممالک کے درمیان باہمی تعاون اور سفارتی روابط کو مزید مضبوط بنانے کے عزم کا بھی اظہار کیا گیا۔ چین نے خطے میں کشیدگی کم کرنے اور مذاکرات کے ذریعے مسائل کے حل کی ضرورت پر زور دیا۔